Byggdriftar/vaktmeister, i inntil 100% fast stilling

Om stillinga

Gulen kommune har ledig i inntil 100% fast stilling som byggdriftar/vaktmeister, med oppstart snarast/etter avtale. Stillinga ligg til eining eigedomsforvaltning, kor me har 22,6 årsverk som hovudsakleg jobbar med bygg/eigedomsforvaltning, reinhaldsteneste, veg/samferdsel, vatn og avløp, samt prosjekt/byggeleiing innanfor fagfelta.

Stillinga har oppmøtestad ved Dalsøyra skule, men heile kommunen kan vere arbeidsområde gjennom dagen. Me ser etter ein dyktig byggdrifter/vaktmeister som trivast med fysiske arbeidsoppgåver, samt samarbeidar godt i lag med fleire, er løysingsorientert i oppgåvehandtering, pliktoppfyllande og som vert motivert av å jobbe med driftsoppgåve med eit samfunnsnyttig føremål. Dersom du har interesse for fagleg utvikling innanfor ditt felt og ynskjer å drifte våre anlegg med god kvalitet, ynskjer me å høyre frå deg.

Arbeidsoppgåver

• Drift- og vedlikehaldsoppgåver i hovudsak på kommunale bygg og uteområde
• Driftsoppgåver på andre fagområder på eininga kan vere aktuelt å delta på
• Utføre eigne vedlikehaldsoppgåver, samt ha dialog med eksterne firma
• Internkontrollar og avviksrapportering/utbetringar
• Bruke driftssystem som SD-anlegg og FDV-system
• Andre oppgåver som måtte kome til

Kvalifikasjonar

• Fagbrev innanfor relevant fagområde (byggdriftar, røyrleggar, tømrar, elektro, mekanisk, anleggsgartnar o.l.)
• Relevant erfaring kan kompensere for manglande utdanning
• Ynskjeleg med relevant arbeidserfaring frå arbeidslivet
• Har grunnleggande datakunnskapar
• Gode norskkunnskapar, både munnleg og skriftleg
• Krav om førarkort kl B
• Det vert stilt krav om gyldig politiattest av den som får tilbod om denne stillinga

Personlege eigenskapar

• Evne til å raskt sette seg inn i nye problemstillingar
• Kunne arbeide sjølvstendig og i samarbeid med andre
• Er strukturert, systematisk og leverer arbeid av god kvalitet
• Er løysingsorientert, fleksibel og sørvisinnstilt
• Har gode samarbeidsevner og er ein god lagspelar
• Er initiativrik og likar å halda seg fagleg oppdatert
• Trivst med fysisk arbeid
• Å vere personleg eigna vil verte vektlagt ved tilsetjing

Anna

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar
• For tilsetjing innan pleie og omsorg, Miljøtenesta, i skule og i barnehage, vert det stilt krav om politiattest
• Det er gode forsikrings- og pensjonsordningar i kommunen